दाङ चेम्वर अफ कमर्श दाङ उद्योग वाणिज्य संघको प्रतिष्पर्धी नभई ब्यवसायिको सहयोगि संगठन हो–अध्यक्ष सुवेदि

‘यसलाई उद्योग वाणिज्य संघको विकल्पकारुपमा लिनु हुँदैन, सबै ब्यावसायिक संघ संस्थासंग सहकार्य गरेर जान्छौ’

घोराही, साउन १८ । दाङ चेम्वर अफ कमर्शका अध्यक्ष दिपक सुवेदिले चेम्वर अफ कमर्श दाङ उद्योग वाणिज्य संघको प्रतिष्पर्धि संगठन नभएको बताएका छन् । उनले घोराहीको एक अनलाइनसंगको अन्तरवार्तामा चेम्वर अफ कमर्श सम्पुर्ण ब्यावशायिक हक हितका लागि लड्ने संस्था भएको भन्दै यसलाई उद्योग वाणिज्य संघको विकल्पकारुपमा नलिन सबैमा अनुरोध गरेका हुन् ।

उनले विगतदेखी नै ब्यवसायिको पक्षमा लड्दै तथा आवाज उठाउदै यहासम्म आएको सम्पुर्ण ब्यवसायिहरुको साझा संगठन चेम्वर अफ कमर्श भएको भन्दै ब्यवसायिको हक हीत र विभिन्न सवालहरुमा उद्योग वाणिज्य संघसंग सहकार्य गरेर जान तयार रहेको बताए । पुरानो संस्था भएपनि दाङमा भर्खरै स्थापना भएकाले कतिपयलाई उद्योग वाणिज्य संघको विकल्पकारुपमा चेम्वर अफ कमर्श आएको हो कि भन्ने लागेको हुन सक्ने भन्दै उनले त्यस्तो नभएको र सबै ब्यवसायिका संघ संस्थासंग सहकार्य गरेर अघि बढिने पनि विचार ब्यक्त गरे । सबै ब्यवसायिहरुको सुझाव, सल्लाह र भावनावाट अघि बढ्ने प्रतिवद्धता जनाउदै संस्थालाई छोटै समयमा ब्यवसायिको माझमा स्थापित गरेर लैजानेसमेत उनको भनाई छ ।

थाहा अनलाइन

यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।