प्रधानमन्त्री ओली र केसीबीच भेटवार्ता हुँदै

काठमाडौँ। आज प्रधानमन्त्री केपी शर्मा ओली र डा. गोविन्द केसीबिच भेटवार्ता हुँदैछ । बिहान ११ बजेपछि प्रधानमन्त्री निवास बालुवाटारमा भेटवार्ता हुने तय भएको प्रधानमन्त्री स्रोतले जनाएको छ । चिकित्सा शिक्षा विधेयकमा भएको तोडमोडको विरोधमा डा. केसी २७ दिनसम्म अनशन बसेका थिए । सरकारसँग सम्झौता भएपछि साउन १० गते अनशन तोडेका थिए । तर सम्झौता कार्यान्वयनमा सरकार उदासिन भएको डा. केसीको आरोप छ । यहिबीचमा प्रधानमन्त्रीसँग हुन लागेको भेटलाई अर्थपूर्ण रुपमा हेरिएको छ । डा. केही बिहान ११ बजेपछि बस चढेर बालुवाटार पुग्ने बताइएको छ ।

थाहा अनलाइन

यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।