बिष्णुकुमार देवकोटा
दाङ ५ कार्तिक
दशै मनाउन दाङ ससुराली आएका रोल्पा परिवर्तन गाँऊपालिका वडा नं १ का लालबहादुर डाँगीको शव स्थानीयको अबरोधका कारण पोष्टमार्टम गर्न प्रहरी अहिले सम्म असफल भएको छ ।
तीन पटकको प्रहरीको प्रयासपछि शवलाई एम्बुलेन्समा राख्न त प्रहरी सफल भयो तर लैजान भने प्रहरी सफल भएन ।
शव पोष्टमार्टमकालागि लैजाँदै गर्दा स्थानीयले अबरोधगरी राकिराखेका छन् ।
कृत्रिम तालमा तारजाली गर्नुपर्ने, मृतकको परिवारलाई क्षतिपुर्ति दिनुपर्ने, नगरपालिकाका प्रतिनिधिहरु संग तार्किक वार्तागर्नुपर्ने स्थानीयको अडान छ ।
घोराही उपमहानगरपालिका वडा नं १६ बाहुन डाँडामा मानव निर्मित कृत्रिम तालमा श्रीमती र साला सहित नुहाउन गएका डाँगि कार्तिक ४ गते सायँ ५ः०० बजे नुहाउने क्रममा तालमा वेपत्ता भएका थिए ।
डाँगि वेपत्ताभएपछि घरपरिवारको रिपोर्टका आधारमा जिल्ला प्रहरी कार्यालयको टोली , शसस्त्र प्रहरी बलको टोली र स्थानीयको सकृयतामा गोताखोर यम बहादुर थापाले डाँगिको शव फेला पारेका हुन् ।
डाँगीको शव फेलापरेपछि स्थानीयले कृत्रिम तालको बिरोध गरेका छन् । घरपरिवारले घोराही उपमानगरपालिकाले तालको उचित व्यवस्थापन नगर्दा सम्ष्म लाश नउठाउने घरपरिवारले बताएका छन् ।
पोहोर साल पनि सोहि तालमा परि एक बच्चाले ज्यान गुमाएका थिए ।
पोष्टमार्टमका लागि शव उठाउन गएको एम्बुलेन्सलाई स्थानीयले फर्काईर्दिका छन् । अहिले स्थिती तनाव ग्रस्तरहेको छ भने स्थीति साम्य पार्न जिल्लाप्रहरी को टोली घटनास्थलमा रहेको छ । यो समाचार तयार पार्दा सम्म शव उठाइएको छैन ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
