सैघाली खबर
दाङ, २३ भदौ
दाङको घोराही उपमहानगरपालिका १९ होडबाङमा रहेको भगवती माविले वर्डा नं. १९ का नवनिर्वाचित जनप्रतिनिधिहरुलाई स्वागत सम्मान तथा अभिभावक भेला सम्पन्न गरेको छ । विद्यालयका व्यवस्थापन समिति अध्यक्ष शसिराम गिरीको अध्यक्षता तथा १९ नं. वडाका अध्यक्ष हर्कबहादुर घर्तीको प्रमुख आतिथ्यता एवं प्रधानाध्यापक देवी बहादुर घर्ती मगरको विशिष्ठ आतिथ्यतामा कार्यक्रम सम्पन्न भएको हो ।
अन्तर्राष्ट्रिय साक्षरता दिवस तथा ३८ औँ शिक्षा दिवसको अवसरमा विद्यालयले गरेको स्वागत सम्मान तथा अभिभावक भेलामा वर्डा नं. १९ का नवनिर्वाचित जनप्रतिनिधिहरुलाई स्वागत सम्मान तथा अभिनन्दन गरिएको थियो । ‘संघिय नेपाल समृद्धिको आधार, स्तरिय शिक्षा सबैको अधिकार ’ भन्ने मुल नाराका साथ विद्यालयले शिक्षा दिवस मनाएको हो ।
शिक्षक घनश्याम थारुको स्वागत मन्तव्यबाट शुरु भएको कार्यक्रममा बोल्ने वक्ताहरुले शिक्षाको गुणस्तरमा जोड दिदै विद्यालयमा निष्पक्ष र इमानदारिताका साथ अध्यापन गराउनुपर्नेमा जोड दिएका थिए । त्यस्तै कार्यक्रमका प्रमुख अतिथि तथा वडा नं. १९ का वडा अध्यक्ष हर्कबहादुर घर्तीले विद्यालयमा कक्षा ११ र १२ संचालन गर्नको लागि वर्डाले सहयोग गर्ने प्रतिवद्धता व्यक्त गर्नुभयो । उहाँले विद्यालयमा माविको दरबन्दी थप गरि अभिभावक तथा विद्यार्थीलाई परेको अप्ठेरोलाई दिर्घकालिन रुपमै हटाउने आश्वासन दिनुभयो । साथै कम्प्युटर थप गरि कम्प्युटर कक्षालाई अझ व्यवस्थीत गरिने प्रतिवद्धता जनाउनुभयो ।
दिवसको अवसरमा विद्यालयले गरेको अन्तर सदनात्मक हाजिरी जवाफ प्रतियोगीमा पाँचपोखरी सदर प्रथम, दुइखोली सदन द्धितिय र राम्चे सदन तृतिय भएका थिए । कार्यक्रममा विद्यालय व्यवस्थापन समितिका सदस्य टेकमान पुन, पार्वती विक, शिवराज घर्ती , शिक्षक अभिभावक संघका अध्यक्ष टिकाराम खडका, निर्वाचित वडा सदस्य जानका पुन, जंगबहादुर रोका लगाएतले मन्तव्य राख्नुभएको थियो । कार्यक्रमको सहजीकरण विद्यालयका शिक्षक प्रेमबहादुर घर्ती मगरले गर्नुभएकोे शिक्षक अर्जुन पन्थीले जानकारी दिनुभएको छ
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
