काठमाडौँ । काभ्रेमा आमा र छोरा मृत अवस्थामा फेला परेका छन्। बिहीबार राति बनेपा नगरपालिका वडा नम्बर ११ सिनाथालमा आमा र छोरा मृत अवस्थामा फेला परेको जिल्ला प्रहरी कार्यालय काभ्रेका प्रहरी नायब उपरीक्षक हरि खतिवडाले जानकारी दिनु भयो ।
पाँचखाल नगरपालिका वडा नम्बर ६ घर भई बनेपास्थित एक घरमा डेरा गरी बसिरहेका ३० वर्षीय मनीषा कार्की र ६ वर्षीय छोरा युवान घिमिरे मृत अवस्थामा फेला परेका हुन् । आमा-छोरा मृत फेला परेको भन्ने खबरपछि प्रहरीले मृतकको श्रीमानलाई प’क्राउ गरेको डिएसपी खतिवडाले बताउनु भयो ।
३३ वर्षीय श्रीमान् माधवप्रसाद घिमिरे प्रहरीको नियन्त्रणमा छन् । अहिले उनी शिर मेमोरियल अस्पतालमा छन् । मृतकहरूले विष खाएको भनेका छन् । श्रीमान् आफैँले पनि विष खाएको भनेको भएर अहिले अस्पतालमा राखिएको छ, डिएसपी खतिवडाले भनु भयो , ‘ट्याब्लेटहरू भेटिएको, बान्ता गरेको हेर्दा विष खाएको हो की भन्ने लागेको छ।
प्रहरीले घटनासम्बन्धी थप अनुसन्धान गरिरहेको छ। पोस्टमार्टमको लागि मृतक दुवैको शव धुलिखेल अस्पतालमा राखिएको छ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।