नेपाल बैदेशिक रोजगार व्यवसायी संघका पुर्व अध्यक्ष रोहन गुरुङले श्रम रोजगार तथा सामाजिक सुरक्षा मन्त्री रामेस्वर राय यादवलाई शुभकामना दिँदै बेरोजगार युवा विदेश गए देश बन्दैन भन्दै विदेश जाने युवा र पठाउने म्यानपावर प्रति नकारात्मक दृष्टी लगाउने कार्यले निरन्तरता पाउने भए म्यानपावर बन्द गराउन सुझाव दिएका छन् ।
आफ्नो सामाजिक संजालमा अभिव्यक्ति सार्वजनिक गर्दै उनले वैदेशिक रोजगार क्षेत्रमा अवसर र चुनौती दुवै भएको बताएका छन् । उनले लेखेका छन्, वैदेशिक रोजगारको समस्या मात्र देखाएर डलरमा तलब खाने, लेख बेच्ने देखि देशको अर्थतन्त्र प्रति जिम्मेवार र चिन्तित बनेकाहरु पनि तपाईंको कार्यकक्षमा भिड लाग्ने पक्का छ ।
उनले व्यवसायीहरुलाई मात्र आरोप लगाएर आफु लोकप्रिय भएको भ्रममा नपर्न भन्दै पूर्व मन्त्रीप्रति कटाक्षसमेत गरेका छन् ।
तुलनात्मक रुपमा व्यवसायीप्रति कडा रबैया देखाएका मन्त्री विष्टको बहिर्गमनबाट व्यवसायीहरु उत्साहित भएको स्रोतको दावी छ ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।