सैघाली खबर
काठमाडौं,११ मंसिर
ताप्लेजुङका अति दुर्गम क्षेत्रमा पर्ने चारवटा मतदान केन्द्रको मतपेटिका आज मात्र ल्याइने भएको छ । ताप्लेजुङको फक्ताङलोङ गाउँपालिका–६ ग्याब्ला प्रावि ग्याब्ला, घुन्सा मावि घुन्सा र सोही गाउँपालिका–७ को वडा कार्यालय गोला र याङ्मा आधारभूत विद्यालय याङ्माका गरीचारवटा केन्द्रका मतपेटिका आज मात्र ल्याइने भएको हो ।
भौगोलिक रूपमा विकट र झण्डै तीन दिनसम्मको पैदल दूरीमा रहेका ती केन्द्रका मतपेटिका हेलिकप्टर मार्फत ल्याउने तयारी गरिएको मुख्य निर्वाचन अधिकृत कृपासुर कार्कीले जानकारी दिनुभयो । अन्य नजिक केन्द्रका मतपेटिका हिजो नै ल्याइको छ । ७३ मतदानस्थल र ११४ मतदान केन्द्र निर्धारण गरिएको जिल्लामा ७८ हजार ३९७ मतदाता रहेका छन् ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
