काठमाडौँ । देशका अधिकांश क्षेत्रको मौसम आइतबार सामान्यतया सफा रहने जल तथा मौसम पूर्वानुमान महाशाखाले जनाएको छ ।
अहिले स्थानीय वायुको मात्रै प्रभाव रहेकाले मौसम सामान्यतया सफा रहने भएको मौसमविदले बताएका छन्।देशको पूर्वी भू–भागमा अहिले सामान्य बदली रही बाँकी क्षेत्रको मौसम सामान्यतया सफा रहेको महाशाखाले जनाएको छ ।
दिउँसो पहाडी क्षेत्रमा आंशिक बदली रही बाँकी क्षेत्रको मौसम सामान्यतया सफा रहने छ। अपराहन्नपछि पहाडी क्षेत्रका एक–दुई स्थानमा मेघगर्जन र चट्याङसहित क्षणिक वर्षाको सम्भावना रहेको मौसमविदले बताएका छन् ।
यस्तै राति पहाडी भू–भागमा आँशिक बदली रही बाँकी क्षेत्रको मौसम सामान्यतया सफा रहने छ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।