रौतहटमा एकै दिन थपिए ५६ जना कोरोना संक्रमित

काठमाण्ठौँ, जेठ १६
रौतहटमा एकै दिन ५६ जना कोरोना संक्रमित थपिएका छन् ।

जिल्लाको राजपुर नगरपालिकामा ३३ जना, ईशनाथ नगरपालिकामा १५ जना, बौधीमाई नगरपालिकामा २ जना र मौलापुर नगरपालिकामा ६ जना संक्रमित थपिएका हुन् ।

संक्रमण पुष्टि भएका सबै जनालाई गरुडास्थित विर्तामा रहेको प्रहरी विद्यालयको आइसोलेसनमा ल्याउने तयारी भइरहेको रौतहटका प्रमुख जिल्ला अधिकारी वासुदेव घिमिरेले जानकारी दिए । बिहीबारसम्म जिल्लामा १ सय २५ जना मात्रै संक्रमित थिए ।

थाहा अनलाइन

यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।