काठमाण्डौँ, जेठ १८
‘द भ्वाईस अफ नेपाल सिजन(२’ मा आफ्नो बलियो प्रस्तुतीबाट दर्शक तथा जजहरुको मन जितेका गायक पृथ्वी खनालले आफ्नो पहिलो गीत सार्वजनीक गरेका छन् । ‘सरर लिपुलेक’ बोलको यस गीतमा पछिल्लो समयको जल्दोबल्दो विषय नेपाल र भारतको सीमा विवादलाई उठाईएको छ ।
पृथ्वी खनालको स्वर रहेको गीतमा डम्बर हिमाङको शब्द संगीत रहेको छ । सञ्चारकर्मी हरि पुन मगरको निर्देशन रहेको यस भिडियोलाई पिटर गुरुङले छायाकंन र सम्पादन गरेका हुन् । गीतको भिडियोमा कमेडी च्याम्पियनबाट चर्चामा आएका खड्ग बहादुर पुन (खबपु) फिचर्ड छन् ।
लकडाउनकै समयमा तयार पारिएको यस गीतलाई गायक पृथ्वीले आफ्नै अफिसियल युट्युब च्यानलबाट सार्वजनिक गरेका छन् । गायक खनाल नुवाकोटका हुन् ।
हेर्नुहोस् भिडियो :
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
