कैलाली / २१ साउन ।
जिल्लाको भजनी नगरपालिका- ४ का वडासचिव बलात्कारको आरोपमा पक्राउ परेका छन् ।
वडासचिव सुमनकुमार चौधरीलाई एक महिलाले बलात्कारको आरोप लगाउँदै उजुरी दिएपछि पक्राउ परेका हुन् ।
जिल्ला प्रहरी कार्यालय कैलालीमा चौधरीले आफूलाई बलात्कार गरेको भन्दै ति महिलाले उजुरी दर्ता गरेपछि चौधरीलाई पक्राउ गरिएको जिल्ला प्रहरी कार्यालय कैलालीले जनाएको छ ।
चौधरीविरुद्ध जबर्जस्ती करणीमा उजुरी परेको छ । घटनालाई स्थानीयस्तरमै मिलाउने प्रयाससमेत भएको स्थानीयले बताएका छन् ।
महिलाले सदरमुकाममै पुगेर उजुरी दर्ता गरेपछि मात्र घटना सार्वजनिक भएको हो ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
