सुनको मूल्य प्रतितोला ३ सय रूपैयाँले बढ्यो

काठमाडौं। नेपाली बजारमा सुनको मूल्य प्रतितोला ३ सय रूपैयाँले बढेको छ। नेपाल सुनचाँदी व्यवसायी महासंघका अनुसार आज छापावाल सुनको भाउ ९४ हजार ३ सय रूपैयाँ तोकिएको छ।

गत शुक्रबार छापावाल सुन ९४ हजार रुपैयाँमा किनबेच भएको थियो। महासंघका अनुसार गत शुक्रबार ९३ हजार ५ सयमा किनबेच भएको तेजावी सुनको मूल्य आइतबार ९३ हजार ८ सय रुपैयाँ कायम छ।

सुनको मूल्य बढेको दिन आज चाँदीको मूल्य भने शुक्रबारकै जति प्रतितोला एक हजार २१० रूपैयाँमा कारोबार भइरहेको छ।

थाहा अनलाइन

यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।