जसपाको संसदीय दलको बैठक पहिलोपटक आज बस्दै

काठमाडौं जनता समाजवादी पार्टी (जसपा)को संसदीय दलको बैठक मंगलबार बस्दै छ । समाजवादी पार्टी र राष्ट्रिय जनता पार्टीबीच एकीकरण गरेर जसपा बनेपछि पहिलो पटक संसदीय दलको संयुक्त बैठक बस्न लागेको हो ।

बुधबार दिउँसो ०१:०० बजे बस्ने संसदको बैठक बस्दै छ। अब त्यो संसद जसपा कसरी प्रस्तुत हुने भन्नेलगायत समग्र राजनीतिक परिस्थितिबारे छलफल हुने जसपाका नेता राजकिशोर यादवले जानकारी दिए ।

गत आइतबार बोलाइएको पुनःस्थापित संसदको पहिलो बैठकमा अध्यादेश पेश गर्न अनुमति दिइएको विरोधमा नेपाली कांग्रेस र जसपाले बैठक अवरुद्ध गरेका थिए ।
यस्तो अवस्थामा संसद्मा पनि सरकार निर्माणका लागि नयाँ गठबन्धन बन्न सक्ने अवस्था बनेको छ । यसबारे पनि दलहरू आन्तरिक र द्विपक्षीय छलफलमा जुटेका छन् ।

थाहा अनलाइन

यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।