एमाले नेता रोकायाको निधन



उत्तम कुमार थापा बझाङ बझाङ जिल्ला नेकपा एमालेका जिल्ला कमिटी सदस्य तथा खप्तड पर्यटन विकास समितिका बोर्ड सदस्य मिश्र रोकायाको निधन भएको छ। खप्तड छान्ना गाउँपालिका–५ माझी गाउँ घर भएका रोकायालाई दुई हप्ता अगाडि जिल्ला अस्पताल सिम खेतमा कोरोना परीक्षण गर्दा पोजेटिभ देखिएको थियो।

केही दिन जिल्ला अस्पताल सिम खेतमा उपचार गराई रहेका नेता रोकायाको डडेलधुरा प्रादेशिक अस्पतालमा थप उपचार उपचार भइरहेको थियो। रोकायालाई डडेलधुरा अस्पतालमा उपचार गरेपछि कोरोना नेगेटिभ आए पनि स्वास्थ्यमा केही सुधार नआएपछि रोकायालाई थप उपचारको लागि काठमाडौँ लैजाने तयारी भए पनि मौसम खराबीका कारण लान नसकिएको आफन्तहरूले बताए।

रोकायाको कोरोना नेगेटिभ देखिएको ३ दिन नबित्दै निधन भएको छ। रोकाया नेपाल कम्युनिस्ट पार्टी एमालेका जिल्ला कमिटी सदस्य, खप्तड पर्यटन विकास समितिका बोर्ड सदस्य,२०७४ सालको चुनावमा खप्तड छान्ना गाउँपालिका अध्यक्षका उम्‍मेद्धार समेत रहेका थिए। रोकायाको परिवारमा आमा बुवा, श्रीमती, दुई छोरा र एक छोरी छन्।

उनको निधनले खप्तड छान्ना गाउँपालिकाले एक असल अभिभावक गुमाएको रोकाया आफन्तसमेत रहेका वडा अध्यक्ष भीम रोकायाले बताए। पूर्व-वन मन्त्री जोशीद्वारा दुःख व्यक्त नेकपा एमाले जिल्ला कमिटी सदस्य, खप्तड पर्यटन विकास समितिका बोर्ड सदस्य मिश्र रोकायाप्रति नेकपा एमाले सुदूरपश्चिम प्रदेश अध्यक्ष तथा पूर्व-वन मन्त्री भानुभक्त जोशीले दुख व्यक्त गरेका छन्।

साथै अनेरा स्ववियुका केन्द्रीय कमिटी अध्यक्ष ऐन महरले पनि फेसबुकमार्फत एक शोक सन्देश दिँदै अध्यक्ष महरले नेकपा एमालेका जिल्ला सदस्य रोकायाको निधनको खबरबाट स्तब्ध भएको छु। रोकायाप्रति भावपूर्ण श्रद्धाञ्जली र शोकाकुल परिवारजनमा गहिरो समवेदना व्यक्त गर्दछु। बझाङको कम्युनिस्ट आन्दोलन र नेकपा एमालेलाई अपूरणीय क्षति भएको छ। यसैबिच नेकपा (एमाले) नेताहरूले एमाले जिल्ला कमिटी सदस्य तथा खप्तड पर्यटन विकास समितिका बोर्ड सदस्य रोकायाको निधनले बझाङ्गी राजनीतिक क्षेत्रले कर्मठ, भद्र, शालीन, इमानदार नेता गुमाएको बताएका छन्।

रोकाया बझाङ्गी राजनीतिमा स्वच्छ छवि भएका एक राजनीतिक र सामाजिक व्यक्तित्वको रूपमा पनि परिचित थिए। एक असल राजनीतिज्ञ गुमाएको जनाउँदै एमाले नेताहरूले रोकायाप्रति श्रद्धाञ्जलीका साथ परिवाजन समवेदना व्यक्त गरेका छन्।

TopLine
थाहा अनलाइन

यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।

प्रतिक्रिया दिनुहोस्