नवलपरासी पश्चिम २९ वैशाख नवलपरासी पश्चिमको रामग्राम नगरपालिका वडा नं १० नदवामा जय गुर्गा पेट्रोल पम्प र पेप्सी कम्पनीको अगाडि ठुलो सडक दुर्घटना भएको छ । पूर्व देखि पश्चिम दिशातिर गइरहेको टिप्पर र पश्चिम देखि पूर्व दिशातिर गइरहेको मोटरसाइकल एक आपसमा ठोकिदा मोटरसाइकल चालकको घटनास्थलमा ज्यान गएको स्थानीयले बताएका छन् । टिप्पर गति तिब्र भएको कारणले उक्त मोटरसाइकललाई लगभग १०० मिटर सम्म अगाडि टिप्परले किचेर लगेको प्रत्यक्षदर्शीले बताएका हुन । घटनास्थलमा निधन भएका मोटरसाइकल चालक रामग्राम नगरपालिका वडा नं ६ अैचावलका हरिद्वार यादव हुन उनको पुरानो घर अैचावल र नयाँ घर पोखरापालिमा पनि छ । उनी परासीदेखि पोखरापालि आउने क्रममा बुधबार लगभग ८ बजेर ४५ मिनेटमा सडक दुर्घटना भएको जानकारी स्थानीयवासीले दिएका हुन। अहिले टिप्पर प्रहरीको नियन्त्रणमा रहेको छ । यसबारे थप जानकारीका लागि प्रहरीलाई सम्पर्क गर्दा प्रहरीको फोन नउठेको हो
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
