असार २७
आज विश्व जनसंख्या दिवस, नेपालमा पनि विभिन्न कार्यक्रम गरी मनाईंदैछ । सन् १९८९ मा संयुक्त राष्ट्रसंघीय विकास कार्यक्रमको कार्यकारी परिषद्बाट अनुमोदन भएपछि प्रत्येक वर्षको जुलाइ ११ मा यो दिवस मनाउने गरिएको छ । यसवर्ष ‘व्यवस्थित परिवारः समृद्ध राष्ट्रको आधार’ भन्ने नारासहित यो दिवस मनाउन लागिएको जनसंख्या तथा वातावरण मन्त्रालयले जनाएको छ । नेपालमा जनसंख्या व्यवस्थापन गरी व्यवस्थित परिवार र समृद्ध राष्ट्र बनाउनका लागि थुपै्र कामहरु भए पनि विभिन्न कारणले चुनौति भने भएको सरकारको ठहर छ । जनसंख्या तथा विकास सम्बन्धी २० वर्षे दीर्घकालीन योजना कार्यान्वयनमा रहेको मन्त्रालयका सचिव डा विश्वनाथ ओलीले बताउनुभयो ।
यसैबीच दिवसका अवसरमा शुभकामना दिनुहँुदै प्रधानमन्त्री शेरबहादुर देउवाले परिवार व्यवस्थापनले समृद्ध राष्ट्र निर्माण हुने भएकाले परिवारको संस्कार, संस्कृति र सक्रियता आवश्यकता पर्ने उल्लेख गर्नुभएको छ । सुनिश्चित र व्यवस्थित परिवारको माध्यमबाट राष्ट्र विकासमा सबैको समन्वयात्क काम आवश्यक रहेको पनि प्रधानमन्त्री देउवाको शुभकामना सन्देशमा भनिएको छ ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
