बिर्तामोड उद्योग वाणिज्य सङ्घको आयोजनामा,झापाको बिर्तामोडमा माघ ११ गतेदेखि सञ्चालित ‘बिर्तामोड अन्तर्राष्ट्रिय औद्योगिक व्यापार महोत्सव’आज सकिदै छ। अन्तर्राष्ट्रिय औद्योगिक व्यापार महोत्सव लाइ आहिलेसम्मकै सबै भन्दा बृहत र व्यवस्थित भनिएको छ।
व्यावसायिक, धार्मिक, पर्यटकीयलगायत समग्र क्षेत्रको विकासमा महोत्सवले टेवा पुगेको छ ।मेलामा बंगलादेश,पाकिस्तान र भारतका पर्दशकहरुको पनि सहभागिता रहेको थियो।
२ सय १० वटा स्टल रहेको महोत्सवमा १० हजारभन्दा बढीले टिकट काटेर महोत्सवको अवलोकन गरे का थिए । महोत्सवस्थलमा स्वास्थ्य शिविर,आदिबासी जनजातीहरुले आफ्ना मौलिक सामाग्री चिनाउने उद्देश्यकासाथ आदिबासी जनजातीहरुको स्टललाई विशेष चासोका रुपमा हेरेको पाइएको छ ।
ओख्ली, जाँतो, डालो, डोको, चिण्डो, मकैको झुत्ता, फर्सी जस्ता सामाग्री पनि राखिएको थियो। त्येस्तै जुम्लाको मार्सी चामलदेखि पाकिस्तानको लेदर प्रोजक्टसम्मका उत्पादन मेलामा उपलब्ध रहेको थियो । अटो मोबाइल,गाडी जस्ता बस्तुहरु संगै कृषि जन्य पदार्थको स्टल बढी राखिएको थियो।
इलाम बाट उत्पादित अर्थोडक्स चिया,छुर्पी,ललिपप,जस्ता पदार्थ ले राम्रो बजार लिएको ग्रीनहिल टी हाउसका संचालक गोपाल दाहाल ले बताए । दाहाल भन्छन ‘आफुले उत्पादन गरेको वस्तु प्रचार प्रसार गर्ने अवसरले मात्रै पनि सम्पूर्ण व्यापारि र कृषक का लागि ठुलो टेवा पुगेको बताउछन्’ ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
