सैघाली खबर
कपिलवस्तु, ३२ साउन
कपिलवस्तु जिल्ला समन्वय समिति कपिलवस्तुको निर्वाचन भदौ २ गते हुने भएको छ । चुनावमा कांग्रेस र एमालेले छुट्टा छुट्टै प्यानल बनाएर भिड्ने भएका छन् ।
जिल्ला समन्वय समितिको चुनावका लागि नेपाली कांग्रेस, २ स्वतन्त्र र माओबादी केन्द्र तथा एमाले र संघीय समाजबादी फोरम नेपालको प्यानल बनेको हो ।
यो संगै ९ पदका लागि १७ जनाको उम्मदेवारी दर्ता भएको छ । समितिको संयोजकमा कांग्रेसबाट नारायण खनाल र एमालेबाट नेत्रराज गिरिको मनोनयनपत्र दर्ता भएको मुख्य निर्वाचन अधिकृत बिश्व मंगल आत्रेयले बताए ।
उप—संयोजकमा कांग्रेसकी तारावती कुमारी चौधरी तथा संघीय फोरमका संदीप कुमार पाण्डेय उम्मेद्वार छन् ।
महिला सदस्यमा कांग्रेसबाट प्रमिला मल्ल, कुन्ती पासी, साठीया थारु तथा संघीय फोरमबाट गुन्जेश्वरी चमाईन र एमालेबाट शान्ता पाण्डेय बीच प्रतिस्पर्धा हुनेछ ।
अन्य सदस्यमा कांग्रेसबाट काजु ताडीवान र एमालेबाट खगी सुनार छन् । सदस्यहरुमा कांग्रेसबाट तेज बहादुर रायमाझी, घनश्याम मौर्य, अनुप कुमार पाण्डेय, संघीय फोरमबाट नवल किशोर पाण्डेय, बलिराम यादव र एमालेबाट कृष्ण बहादुर चौधरी रहेका छन् ।
कांग्रेसको जित स् कांग्रेस प्यानलमा कुल १३ र एमाले प्यानलमा सात मत छ । महाराजगंज नगरपालिकाका मेयर अब्दुल कलाम खाँ हज यात्रामा गएकाले कांग्रेसको एक मत घट्नेछ । यो संगै कांग्रेसको प्यानलले जित्ने निश्चित देखिएको छ ।२० मतदाता स् निर्वाचनमा २० जना मतदाताले एक प्रमुख, एक उपप्रमुख र तीनजना खुल्ला सदस्य पदमा मतदान गर्नेछन् । जिल्ला समितिमा नौ जनाको नयाँ समिति चयन हुनेछ ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
