निमु सगंम घर्ती
दाङ, १७ भदौ
दाङ क्रिकेट संघले निश्चित संख्यामा क्षेत्रिय स्तरका खेलाडी समाबेस भएका क्लबहरुलाई मात्र दंगाली टी–ट्वाण्टी क्रिकेट प्रतियोगितामा सहभागी गराउने निर्णय गरेको छ ।
संघको शनिबार घोराहीमा बसेको बैठकले प्रतियोगितामा सहभागी हुन चाहने दाङका क्लबलाई संघले बनाएको नियम भित्र रही यहि भाद्र २४ गते र जिल्ला बाहिरका टिमलाई भाद्र ३१ गते भित्र समुह दर्ता गर्न आग्रह गरेको छ ।
क्रिकेट संघका अध्यक्ष प्रदिप मज्गैयाँको अध्यक्षता बसेको बैठकमा विभिन्न क्लवहरुले प्रतियोगितालाई सफल बनाउन लागिपर्ने प्रतिवद्धता व्यक्त गरेका छन् । दाङ क्रिकेट संघको आयोजनामा यहि असोज २१ गतेदेखि हुन लागेको टी–ट्वाण्टी क्रिकेट प्रतियोगिता हुँदैछ ।
प्रदेश नं. ५ मा अहिले सम्मकै सबैभन्दा ठुलो धनराशि १ लाख १० हजार पुरस्कार रहेको प्रतियोगिता हुन लागेको संघले जनाएको छ ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
