काठमान्डौ। नेत्रविक्रम चन्द (विप्लब) नेकपाका गोरखा जिल्ला इन्चार्ज र सेक्रेटरी पक्राउ परेका छन्।सरकारले प्रतिबन्ध लगाएपछि विप्लब समुहका नेता कार्यकर्ता धमाधम पक्राउ परेका छन्।
विप्लव नेतृत्वको नेकपाका जिल्ला इन्चार्ज योगेन्द्र कुमाल र सेक्रेटरी कपिल भट्ट आइतबार साँझ पक्राउ परेका हुन् । पालुङटार नगरपालिका वडा नं ७ खोलाघाटबाट उनीहरूलाई पक्राउ गरिएको गोरखा जिल्ला प्रहरी कार्यालयले जानकारी दिएको छ ।
उनीहरूका साथबाट ४ वटा झोला बरामद गरिएको प्रहरीले जनाएको छ। पक्राउ गर्ने क्रममा प्रहरी र सेक्रेटरी भट्टबीच केहीबेर धकेलाधकेल हुँदा दुवै जना घाइते भएको प्रहरीले जनाएको छ। अहिले उनीहरूलाई गोरखा जिल्ला प्रहरी कार्यालयकै नियन्त्रणमा राखिएको छ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
