दशैँ र तिहारको समयमा भएका सवारी दुर्घटनामा दशजनाको मृत्यु भएको छ ।
मृत्यु हुनेमा पाँचजना पैदलयात्री रहेका छन् । असोज १२ गतेदेखि कात्तिक ९ गतेसम्म ३५ दुर्घटनामा दशजनाको मुत्यु भएको जिल्ला ट्राफिक प्रहरी कार्यालय चितवनले जानकारी दिएको छ ।
दुर्घटनामा १ सय ६ जना घाइते भएका थिए, जसमा २५ जना गम्भीर घाइते र ८१ जना सामान्य घाइते भएको प्रहरीको भनाइ छ । बस दुर्घटनामा एकजना, मोटरसाइकल दुर्घटनामा तीनजना र साइकल दुर्घटनामा एकजनाको मृत्यु भएको हो । अन्य पाँचजना पैदल यात्रीलाई सवारी साधनले ठक्कर दिदा मृत्यु भएको प्रहरीको भनाइ छ ।
पैदल यात्रीको लावरवाही तथा तीव्र गतिमा सवारी साधनका कारण दुर्घटना हुने गरेका छन् । पैदल यात्री तथा सवारी चालकको लावरवाहीका कारण बढ्दो दुर्घटनालाई ध्यान दिएर ट्राफिक सवारी चालक र पैदल यात्रीका लागि जनचेतना मूलक कार्यक्रम सञ्चालन गरिएको जिल्ला ट्राफिक कार्यालयका प्रमुख प्रहरी निरीक्षक चन्द्रकुमार गिरीले बताउनुभएको छ ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
