ग्यास्ट्रिकलाई नेपालमा ’राष्ट्रिय रोग’ संज्ञा दिइएको छ । यसको अर्थ हो, हरेक नेपालीमा यो रोग छ । खासमा, ४० वर्षभन्दा बढी उमेरका मानिसलाई मात्र यो रोग लाग्नुपर्ने हो । तर, अहिले सबै उमेरमा यसको समस्या देखिने गरेको छ । त्यसैले त हो, यसलाई ’राष्ट्रिय रोग’ संज्ञा दिइएको । आजभोली प्रार्य सबै मानिसमा यो रोग देखा पर्ने गरेको छ । यसकालागि हामीले तल विभिन्न उपाय पस्केकाछौ:
कागती पानी पिउने : पेटमा धेरै ग्याँस भएको अवस्थामा कागती पानी पिउनाले पेटको ग्याँस हटाउने काम गर्छ र पेट फुल्न दिँदैन। खाली पेटमा कागती पानी पिउनाले पेटमा ग्याँस कम हुन्छ।
कार्बोहाइड्रेट कम खाने :पेटमा ग्याँस जमेर पचाउन गाह्रो पर्ने भएकाले बियर, वाइन, मकै, राजमा, बन्दा, प्याजजस्ता खानेकुराबाट टाढै बस्नु उपयुक्त हुन्छ।
दूध नपिउने : ग्यास्ट्रिक भएकालाई दूधले फाइदा गर्दैन। पचाउन गाह्रो पर्ने भएकाले दूध नखानु नै बेस हुन्छ।
प्रशस्त पानी पिउने : लगातार पानी पिउँदा पेटमा ग्याँस जम्मा हुन पाउँदैन र शरीरमा समेत पानीको सन्तुलन कायम राख्छ। तर‚ पानीको सट्टा कोक, फेन्टाजस्ता चिसा पेय पदार्थ पिउनु हुँदैन। यसले पेटमा ग्याँस बढाउँछ।
लसुन पानी पिउने: बिहान उठ्नासाथ दुई(तीन पोटी लसुन पानीसँग निल्ने हो भने ग्यास्ट्रिक भएकाहरूलाई फाइदा गर्छ। उच्च रक्तचाप भएकाहरूलाई समेत यसले फाइदा गर्छ।
समयमा खाना खाने : ग्यास्ट्रिक भएकाहरूले सकेसम्म प्रत्येक दुई घन्टाको फरकमा खाना खानु फाइदाजनक हुन्छ। लामो समय केही नखाँदा पेटमा हावा भरिएर यसले समस्या उत्पन्न गर्दछ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
