सिरहा, । सिरहामा एक युवतीलाई बलात्कार गर्ने दुई जनालाई प्रहरीले पक्राऊ गरेको छ । गोलबजार गएकी उनी साँझ घर आउन रात परे पछि मोबाइल चार्ज गर्न गोलबजार ६ स्थित मनकामना हेयर कटिङ सैलुनमा पुगेकी थिइन । उक्त सैलुनमा पहिलादेखि नै रहेका धनगढीमाई नगरपालिका ८ बहुवाडाँडाका सुरेशकुमार यादव र गोलबजार २ गुरुधामका सन्तोष महतोले ‘मेरो डेरामा चार्जर छ, त्यहीँ गएर मोबाइल चार्ज गरौँ’ भन्दै डेरामा लगेर जबरजस्ती करणी गरेको प्रहरीले जनाएको छ ।
मोवाइल चार्ज गर्न दिएको एक घण्टाभन्दा बढी समय भइसक्दा पनि मोवाईल नदिएपछि मोबाईल लिन उनीहरुको डेराभित्र पसेकी युवतीलाई उनीहरु दुवैले ढोकाको चुक्कुल लगाएर करणी गरेको इलाका प्रहरीले जनाएको छ ।
घटनापछि सडक पेटीमा आएर पीडित युवती रोएपछि स्थानीयले प्रहरीलाई खबर गरेको थियो । तत्काल पुगेका प्रहरीले युवतीलाई उद्धार गर्नासाथ सन्तोषको डेरामा पुगेर दुवैलाई नियन्त्रणमा लिएको छ ।
प्रहरीले पक्राउ परेका युवकहरु र युवतीको समेत स्वास्थ्य परीक्षण गरिएको जनाएको छ । स्थानीयले भने घटनामा अन्यको पनि संलग्नता हुन सक्ने आशंका गरेका छन् ।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
