काठमाण्डौँ, जेठ ३१
नेकपाका अध्यक्ष एवं पूर्व प्रधानमन्त्री पुष्पकमल दाहालले राजतन्त्रको बेला अतिक्रमण भएको भूमि गणतन्त्र बेला फिर्ता ल्याउने अवसर आएको बताएका छन्।
शनिबार निशान छाप संशोधन विधेयकमाथि छलफलमा भाग लिँदै दाहालले भने, ‘नयाँ नक्सा भौगोलिक अखण्डताको विषय हो। राजतन्त्रले गुमाएको भूमी गणतन्त्रले फिर्ता ल्याउन लागेको छ। निर्णयमा सर्वसहमित हुने विश्वास गर्दछु। राष्टिय एकताको पक्षमा उभिएको मा धन्यवाद दिन चाहन्छु।’
भारतले नेपाली भूमि समेटेर नयाँ नक्सा सार्वजनिक गरेपछि अतिक्रमित भूमि फिर्ता ल्याउन झकझक्याएको बताए। भारतले नोभेम्बर २ मा भारतले विवादित मानिएको नेपालको भूमि समेटेर सार्वजनिक गरेपछि नेपाल अघि बढ्न बाध्य भएको बताए।
उनले प्रतिनिधिसभामा भने, ‘भारतको चाहना नेपाललाई जिस्काउनु थिएन होला कस्मिरसँगको विवाद आफू अनुकुल बनाउनु थियो होला। तर हामी सबैलाई त्यसले झकझक्यो।’
उनले भारतले एक पक्षीय रुपमा नेपाली भूमीबाट बाटो बनाएपछि आफूहरु इतिहासको जिम्मेवारी पूरा गर्न अवसर दिएको उनले उल्लेख गरे। नक्सा संशोधनले भारतसँगको सम्बन्ध र वार्तामा कुनै असर नपर्ने उनले उल्लेख गरे। उनले भने, ‘हामी समाधान नहोस् पक्षमा छैनौं। हाम्रो तर्फबाट वार्ता र छलफलबाटै समाधान गर्ने पक्षमा छौं। हामी बच्चापना देखाउन चाहँदैनौं।’
दाहालले नेपालको चाहना भारतसँग मिलेर अघि बढ्ने रहेको बताउँदै छिटो वार्ताबाट समस्याको समाधान गर्न भारतलाई आग्रह गरे। ‘हामीले भारतसँग मित्रता चाहेका छौं। विकास र संवृद्धितर्फ जान चाहेका छौं।
भारतको सहयोग अपरिहार्य छ, दाहालले अगाडि भने, ‘यो संशोधन भनेको दूरी बढाउनु होइन। उहाँहरुलाई समस्या समाधान गर्न झकझक्याउनु हो। असल मैत्रीको नयाँ चरणतिर जाओस् भन्न चाहन्छौं। हामी हाम्रा छिमेकीसँग सुमधुर र सन्तुलित सम्बन्ध कायम गर्न चाहन्छौं।’
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
