विराटनगर । पाँचथरबाट झापातर्फ आउँदै गरेको यात्रुवाहक बस दुर्घटना हुँदा कम्तीमा ५४ जना घाइते भएका छन् । पाँचथरको फिदिम नगरपालिका–४ सिवादाेभानबाट बिर्तामोडका लागि छुटेको को १ ख ३८६५ नम्बरको बस फिदिम नगरपालिका–४ शान्तिपुरमा सडकबाट झरेर दुर्घटनामा परेको हो ।
पाँचथर प्रहरीका अनुसार घाइते भएकामध्ये १५ जनाको अवस्था चिन्ताजनक छ । दुर्घटनामा बसमा सवार सबै यात्रुहरू घाइते भएका छन् । घाइतेहरूलाई उद्धार गरी जिल्ला अस्पताल पाँचथर सहित समर्पित अस्पताल र पाथीभरा अस्पतालमा प्रारम्भिक उपचार भइरहेको प्रहरीले जनाएको छ ।
घटनास्थलमा प्रहरी र स्थानीयको सहयोगमा उद्धार कार्य भइरहेको प्रहरीले जनाएको छ।
थाहा अनलाइन
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।