सैघाली खबर/काठमाण्डौँ, २३ जेठ।
आफ्ना खेलाडीलाई जर्सीको व्यस्था गर्न नसक्दा कर्णाली प्रदेश सरकारको ठूलो बेइजत भएको छ । सरकारको मात्रै नभएर खेलाडीहरुको समेत बेईजत भएको छ । बुधबारदेखि काठमाडौँको लगनखेलमा सुरु भएको दशौं राष्ट्रपति रनिङसिल्ड प्रयोगितमा सहभागी हुने खेलाडीहरुलाई प्रदेश सरकारले जर्सीको व्यवस्था नगरेको हो । खेल सुरु हुनै लाग्दा कर्णाली प्रदेशबाट सहभागी हुन आएका खेलाडीहरुसँग जर्सी नभएपछि उनीहरु मैदानमा प्रवेश गर्न पाएनन् ।
कर्णाली सरकार मुख्यमन्त्रीदेखि मन्त्रीहरु करोडपति र लखपति छन् । सम्पतीमा करोडपति भएपनि चिन्तन र सोचाइमा कर्णाली प्रदेश सरकार भिकारी नै भएको खेलाडीको अवस्थाले देखाएको छ । जर्सीकै कारण विवाद उत्पन्न हुँदा खेल निर्धारित समयमा सुरु हुन सकेन । राष्ट्रिय खेलकुद परिषद्ले जर्सी विनाका खेलाडीहरुलाई प्रयोगितामा सहभागी गराउन नसक्ने भनेपछि विवाद सुरु भएको थियो । खेल–तालिका अनुसार आजको पहिलो खेल कर्णाली प्रदेश र प्रदेश नं. २ बिचको महिला भलिबल बिहान १० बजेबाट सुरु हुनुपर्ने थियो ।
अन्तिम समयमा आएर ब्यवस्थापन पक्षको कमजोरी र लापरबाहीका कारण आफुहरुले मनोवैज्ञानिक दबाब र पीडा खेप्नुपरेको भन्दै खेलाडीले आक्रोश व्यक्त गरेका छन् । कर्णाली प्रदेश महिला भलिबल टिम क्याप्टेन साबित्रा भण्डारीले जर्सीकै कारण खेल सुरु हुन नसक्नु र अन्तिममा आएर सहभागी हुन पाउने या नपाउने भनेर दुबिधामा बस्नुपर्ने अवस्थाले दुखित बनाएको बताइन् ।
भलिबलका प्रशिक्षक जीवन बहादुर शाहिले अन्तरास्ट्रिय मुल्य मान्यता र खेलकुदको सामान्य परम्परा विपरीत खेलाडीलाई जर्सी्िबनै मैदानमा पठाउन खोजेर ब्यवस्थापन पक्षले गैरजिम्मेवारी प्रस्तुत गरेको आरोप लगाएका छन् । उनले भने, ’मैले कुनै पनि खेल प्रतियोगितामा जर्सी्िबनाका खेलाडीले खेल खेलेको देखेको छैन । यो खेलकुद जगतमा एउटा गाइजात्रा जस्तै हो ।’ खेल र खेलाडीका लागि छुट्याइएको रकम हिनामिना गरेर खेलाडीको बिचल्ली बनाएइको उनको कथन छ । प्रदेशस्तरीय टिमहरुको सहभागीता हुने रनिङसिल्ड जेठ २५ गतेसम्म चल्नेछ ।।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
