सुख दुःखमा काम लाग्ने रुखको छहारी
रोप्यौ रुख हामीले प्रति व्यक्ति हाराहारी
एक रुखले हजारौँलाई दिन्छ शीतल छहारी
महत्त्व छ रुखको जीवनकै हाराहारी।
घाम पानी छेक्ने एक मात्रै रुखको छहारी
थकाइ मेट्ने सबले घुमिफिरी चाहारी
महत्त्व जानिराखौँ रुखको शीतल छहारी
महत्त्व छ जीवन जगतकै हाराहारी।
किसानले बनौंने काटेर रुखकै हलो
प्राणी जगतमा गर्दैन रुखले कुभलो
चौतारीको बिचमा अटल छ बूढो रुख
हरण गर्छ सब सारा जगतको दु:ख।
मरुभूमि हरियाली बनाउछ रुखले
रुखको महत्त्व सकिन्न भनेर मुखले
बाटो हिड्दा थकान मार्ने रुखकै चौतारी
बूढापाका देखि बस्छन् मिलेर नै दौँतरी।
जन्म देखि मृत्यु सम्म महत्त्व छ रुखको
लिपि बद्ध नै गरे बिर्सेला भनि मुखको
मर्दा पर्दा महत्त्व छ जीवन जगतमा
मिलेर बसौं रुखमा नडुलौ फगतमा।
रुखको महत्त्व बुझेका छन् पिता पुर्खाले
काटेर उजाड बनाउन खोज्दै मुर्खले
रुख रोपि हरियाली बनाउ मेची काली
झन रुखको महत्त्व छ भन्छन् यसपालि।
अक्सिजन देखि शीतलता नै दिने रुख
चौतारीमा बसेर बाडौ हामी सुख दु:ख
काटे आउँछ है हामी सबैको रातो रगत
आफू भलो त हुन्छ है भलो सारा जगत।
राज कुमार कार्की
मे न पा -१५,झापा ।
धन्यवाद।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
