प्रकृति चिकित्सालयको नामले परिचित म्याग्दीको बेनी नगरपालिका वडा नं १३ मा अवस्थित तातोपानी कुण्डमा स्नान गर्न स्वदेशी पर्यटक मात्र नभएर विदेशी पर्यटकको पनि रोजाइको स्थल बनेको छ ।
यहाँको पानीमा पटक पटक शरीर डुबाए शरीरमा भएका सम्पूर्ण रोगहरु निको हुने धार्मिक विश्वास छ । तातोपानीमा नुहाएपछि पुराना र जटिल रोगहरु निको हुने विश्वासमा सो कुण्डमा नुहाउनेहरुको सङ्ख्या बढदै गएको पनि देखिन्छ ।
तातोपानी खाने र कुण्डमा डुवुल्की मार्दा टाउको दुख्ने, छाला, ग्याष्टिक, वाथ, घाउ–खटिरा, महिलाको आङ् खस्ने लगायतका रोगहरु निकोहुने पनि धार्मिक जनविश्वास रहेको छ ।
यही विश्वासलाई विदेशीहरुले पनि आत्मासाथ गरेर यहाँ स्नान गर्नकैलागि भनेर आउने गरेको पाइएको छ । विदेशीहरु यहाँ आएर आफ्नो शरीरमा भएका रोग निको होस् भनेर कामना समेत गर्दछन् ।
तातोपानी व्यवस्थापन समितिका अनुसार यहाँ उपचारको लागि देशका अधिकाँश जिल्लाका विरामीहरुका साथै भारतको नानपारा,रुपैडिया, बनवासा लगाएत राउण्ड धौलागिरी र अन्नपूर्णको भ्रमणमा आएका विदेशी पर्यटकहरुसमेत उपचारका लागि यहाँ आउने गरेका छन् ।
रोग निको पार्न डुब्नका लागि जमिनभित्रबाट निस्कने तातो पानी कुण्डमा जम्मा गरिएको छ। तातोपानी कुण्डमा डुबेपछि कम्बल वा बाक्लो कपडा ओढेर न्यानो ठाउँमा पसिना निकाल्ने गरि आराम गर्ने र कुण्डको छेउमै रहेको तातोपानीमा नुहाउने गरिन्छ ।
https://youtu.be/x3T0fn1lcE8
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।