सैघाली खबर, ६ असार ।
गृह मन्त्रालयले लागूऔषध दुरुपयोग तथा ओसारपसारविरुद्धको अन्तर्रा्ष्ट्रिय दिवस सप्ताहव्यापी अभियान चलाउँदै मनाउने भएको छ । जस अन्तरगत बुधबारबाट ‘स्वस्थ, सबल र समृद्ध नपालको प्रतिबद्धताः लागूऔषध अपराधविरुद्धको ऐक्यबद्धता’ भन्ने नारासहित देशभर अभियान थालिएको हो ।
यो दिवस हरेक वर्षको २६ जुनमा मनाउने गरिन्छ । अभियानको अवसरमा सरोकारवालाहरुसँग समन्वय गरी ७७ वटै जिल्ला प्रशासनलाई सचेतनामूलक कार्यक्रम गर्न गृहले निर्देशन दिएको छ ।
गृहका अनुसार यो दिवसका अवसरमा कार्ययोजनासहित सचेतना अभियान, लागूऔषध नियन्त्रण सम्बन्धी नीति, ऐन, निर्दे्शिका तर्जुमा र परिमार्जन सम्बन्धमा छलफल, गाँजा र अफिम खेतीको फडानी, प्रभातफेरीसहित २६ वटा कार्यक्रमहरु सञ्चालन गर्ने तयारी छ ।
हाल नेपालमा १ लाख ५० हजार बढी लागूओषध प्रयोगकर्ता रहेको गृहको अनुमान छ । यो संख्या वर्षे्नि ११.३६ प्रतिशतका दरले बढिरहेको बताइन्छ ।।
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
