काठमाडौं । आफ्नो देशको टीमले अन्य देशसँग खेलिरहँदा महसुश हुन्छ मान्छेको राष्ट्रिय भावना । दुबईमा नेपाली क्रिकेट टीमले शानदार तरिकाले जितेसँगै यसको अनुभव धेरै नेपालीलाई भयो ।
यही परिस्थितिलाई अर्को पाटोबाट हेरौँ न, जस्तो कि, हार्ने देशका नागरिक र खेलप्रेमीलाई कस्तो भयो होला ? त्यस्तै पराजयको प्रतिबिम्व एकजना फोटोग्राफरको अनुहारमा प्रष्ट देखिएको छ ।
एएफसी एसियन कप अन्तरगत प्रतिष्पर्धा गरिरहेको इराकको खेल फोटोमा कैद गरिरहेका थिए फोटोग्राफर मोहम्मद अल अजवीले । जब इराकले खेल हार्दै गर्यो, इराकी फोटोग्राफर मोहम्मद रुन थाले ।
तै पनि फोटो खिच्न भने छोडेनन् । उनै फोटोग्राफरले रुँदै फोटो खिच्दै गरेको अवस्थाको तस्बिर अहिले सामाजिक संजालमा भाइरल नै बनाइएको छ । तस्बिरमा मोहम्मद आँखाबाट आँशु चुहाउँदै खेलको फोटो खिचिरहेका छन् ।
यसले उनको देशप्रेम र पेशाप्रतिको लगाव प्रकट गरेको छ । मोहम्मदले आफ्नो पेशा र देशप्रेमको भाव एकैपटक दर्शाएको भन्दै धेरैले उनको प्रसंसा पनि गरेका छन् । कतिले त उनका यी तस्बिर अति सुन्दर तर दुखदायीु मुटु हल्लाउनेु जस्ता टिप्पणी गर्दै प्रसंसा गरे ।
एएफसी एसिया कप अन्तरगत कतारसँगको खेलमा इराकले १–० ले हार व्यहोरेको थियो । तर मोहम्मदको यस्तो अद्धितीय तस्बिर सार्वजनिक भएपछि भने उनलाई कतारकै खेलप्रेमीले समेत ढाडस् दिएका छन् । फेसबुक पेज ट्रोल फुटबल, फुटबल ट्वीट लगायतका साइटले यी तस्बिर सार्वजनिक गरेपछि सामाजिक सञ्जालमा भाइरल बनेका हुन् । अन्नपूर्ण पोष्ट
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
