श्रीलङ्का।श्रीलङ्कामा स्थानीयले तीन मस्जिद र मुस्लिम नागरिकको पसलमा ढुङ्गाले हानेर हमला गरेका छन्।
श्रीलङ्काको चिलाउ इलाकामा फेसबुक पोष्टमार्फत् सुरु भएको विवादपछि पसलमा ढुङ्गाले हानेर हमला गरेका हुन्।
ढुङ्गा हान्नुअघि स्थानीयले एक व्यक्तिमाथि कुटपिटसमेत गरेको बताइएको छ। घटनापछि प्रशासनले इलाकामा सोमबार बिहानसम्म कर्फ्यू लागू गरेका छन्।
श्रीलङ्कामा २१ अप्रिल इस्टरको दिन भएको श्रृङ्खलाबद्ध बिस्फोटमा २५१ को मृत्यु भएको थियो। त्यतिबेलादेखि मुस्लिम समुदायले मुस्लिम नागरिकलाई प्रताडित गरिएका दर्जनौं उजुरी पाइसकेको बताएका छन्। श्रीलङ्का पुलिस प्रवक्ता रुवान गुणशेखरले भने, ‘चिलाउमा तनाव भड्किएको देखेपछि तुरुन्त कर्फ्यू लागू गरियो ।
फेसबुक पोष्ट लेख्नेलाई पक्राउ गरिएको छ ।’
फेसबुक पोष्टमा लेखियो, ‘धेरै नहाँस, एक दिन तिमी रुनेछौ’ न्युज एजेन्सीले फेसबुक पोष्टबाट सुरु भएको विवादपछि नै मस्जिदमा हमला भएको दाबी गरेको छ। पोस्टमा कमेन्ट लेखिएको थियो, ‘हामीलाई कसैले रुवाउन सक्दैन।’
यो पोस्टमा अब्दुल हमिद मोहम्मद हसमर नामका व्यक्तिले जवाफ दिए, ‘धेरै नहाँस, एक दिन तिमी रुनेछौ।’ दुई स्थानीय नागरिककका अनुसार ३८ वर्षे हमसरलाई पुलिसले पक्राउ गरिसकेका छन्। एजेन्सी
यो नेपाली भाषाको अनलाइन समाचार संस्था हो । 'थाहा अनलाइन' २०७३ साल देखि सञ्चालनमा छ ।
